- Me er samla for å høyra den gamle forteljinga som me har høyrt så mange gonger før. Slik opna Jørgen Knudsen årets julegudsteneste. I ventetida før gudstenesta byrja, var det musikk frå ei lita gruppe frå Tysnes musikklag. I sjølve gudstenesta las Eivind Tysnes Juleevangeliet, barnekoret opptredde, og Knudsen heldt ei preike med god bodskap.
Mektig
Lea Sofie T. Dale (10) var med og opptredde med barnekoret, noko ho synest var veldig kjekt. Å gå i kyrkja på juleaftan er noko ho gjer kvart år.
- Etterpå skal me eta mykje god mat, og så skal me opna pakkar, smiler Lea Sofie nøgd.
Ein annan som hadde teke turen til kyrkja på julaftan, var Jan Ove Teigland. For han er dette også ein tradisjon.
- Det er noko me plar gjera, og heile familien går, fortel han. Prest, Jørgen Knudsen, var veldig nøgd etter det han ser på som noko av det finaste han er med på i løpet av året.
- Mektig, det er det det er, avsluttar Knudsen.