Klokka tolv starta dei innleiande kampane i dei ulike klassane, og dei heldt fram med desse til klokka tre. Deretter var det tid for kvartfinalar, semifinalar og finalar. I klasse 3 vann Lårhønene etter ein flott kamp mot All Nuts. Vinnaren av klasse 2 vart Tomatsaus I Motvind. Etter at Tysnes Musikklag hadde leia med 1-0 gjennom store delar av kampen, scora TIM då det var 17 sekund igjen. Då skulle det avgjerast på straffekonkurranse, og her sikra Tomatsaus I Motvind seg sigeren. Kampen var hard om pokalen også i klasse 1. Sjølv om Boca Juniors gjorde ein flott innsats, tok tysneslaget FC Galanten ein velfortent siger.