Karane bak den populære sommarrevyen ”Haraball på ferjo” er allereie på plass i Våge og er i full sving med å førebu seg til show i kveld. Denne gongen stiller dei med ny ferje, den nye sommarslageren ”Sail away” og enda meir galskap, innfall og energi enn tidlegare.

- Dette året er 75% av programmet våras heilt nytt. Musikken til Johannes Kleppevik er framleis i botn, men nytt av året er at me har teke med mykje musikk frå andre Vestlandsartistar også, fortel Bjørn Jensen og Tor Endresen som lovar høg allsongsfaktor.

Det vert sal av mat og drikke om bord på ferja. Billettar er også mogeleg å kjøpa på kaien før førestillinga.