18 kampar vart spelte på Vassbakken i kveld. Samstundes vart 24 haldne på Reiso. Ørjan Malkenes var ein av dei som hadde teke turen oppom.
- Eg har ikkje fått med meg så mykje enno. Det vart litt seint før eg kom opp, men eg får vel ta det igjen i morgon, fortel han. Etter å ha studert folk både på bana og på sidelina, har han konkludert at han kjenner mange, men at det også er ein del som kjem utanfrå øya.
Det vart tydeleg at cupen heller ikkje i år er eit reint sportsleg arrangement. I tillegg til å vera det, er det også ein møteplass for både fastbuande og utflytta tysnesingar.