Avlyser påske-gudstenester

Alle dei planlagde gudstenestene på Tysnes i påska er avlyste. Det var den siste meldinga frå kyrkjekontoret like før påskeavisa til «Tysnes» gjekk i trykken i går, onsdag.

Opphaveleg skulle det vore gudsteneste i Reksteren kyrkje på palmesøndag, på Tysnes omsorgssenter på skjærtorsdag, langfredag i Uggdal kyrkje og høgtidsgudsteneste i Tysnes kyrkje fyrste påskedag. Alle desse er no avlyste.

Konfirmantgudstenesta andre påskedag går som planlagt, men den blir ikkje open. Den blir berre for og med konfirmantane.