Bli med på vinterbading
Primus motor for Tysnes vinterbading, Christian Nome Lepsøe, er glad for å endeleg kunna invitera til sesongstart for vinterbading førstkomande laurdag.
Sesongen skulle etter planen starta i november, men då Erna Solberg gjekk ut med rådet om å halda seg mest mogeleg heime, valde arrangørane å avlysa.
Artikkelen held fram under annonsen.
Nome Lepsøe har fått klarsignal frå smittevernlegen i Tysnes kommune om å gjennomføra resten av dei planlagde arrangementa, så lenge ein held avstand før og etter badinga.
Etter ein frisk dukkert, kan ein varma seg med suppe på Mandelhuset, slik som før.
