For mange trøytte bilistar

I ei undersøking utført av Ipsos for Gjensidige svarar 58 prosent av dei spurde bilistane i gamle Hordaland at dei har halde på å sovna bak rattet. Sju prosent svarar at dei faktiksk har sovna når dei har køyrt bil.

– Det vil seia at fleire tusen bilistar heimehøyrande i Hordaland har duppa av under ein køyretur, seier Arne Voll, kommunikasjonssjef i Gjensidige.

I undersøkinga oppgjev meir enn dobbelt så mange menn som kvinner at dei har sovna bak rattet.

– Me oppfordrar alle til å tenka over at me har eit stort ansvar når me er ute i trafikken. Ein ting er om ein skadar seg sjølv, men kva om ein sovnar og skadar nokon andre, seier Voll.

Er ein trøytt bør ein byta sjøfår eller stoppa og ta ein høneblund.