SUKSESS: Tarjei Strøm, som har feriebustad i Lunde, speler no inn sesong 2 av «Ukjent arving». Pressefoto

Fortset jakta på ukjente arvingar

Den fyrste sesongen av NRK-serien «Ukjent arving» blei ein stor suksess, og i snitt var det 740.000 som såg kvar episode. No kan programleiar Tarjei Strøm røpa at ein ny sesong er i kjømda.

– Me er allereie i full gang. Me ferdigstiller sesongen sin fyrste episode i desse dagar, og startar nye opptak i løpet av nokre veker, opplyser han i ei pressemelding.

Om alt går som planlagt, kjem sesong 2 på TV ein gong til neste år.