Jostein Mehl blei tysnesmeister i bowling
Kvinnheringen Jostein Mehl vann Tysnesmeisterskapen i bowling, og dermed forsvarte han sigeren frå 2023.
16 deltakarar stilte i bowlinghallen sist veke for å kjempa om tittelen tysnesmeister. Spelarane blei delt i to grupper med start kl. 18.00 og 19.30, og alle spelte tre rundar både måndag og onsdag. Samla pinnefall over seks rundar vart resultatet for den einskilde. Sjølv om nokre ikkje hadde håp om å nå heilt til topps, var innsatsen og humøret på topp, melder Helge Hauge.
Artikkelen held fram under annonsen.
Etter dei tre rundane måndag, hadde Atle høgast pinnefall med Jostein og Janis som to og tre.
Onsdag slo Jostein til med heile 226 i første serie, og dette klarte ikkje Atle og Janis å svara på. Likevel vart dei tre beste måndag også dei tre beste onsdag, men med litt endra rekkefølge.
Konkurranseforma var endra i forhold til tidlegare år, og deltakarane var samstemte i at det var til det betre.
Resultatet for dei seks med høgast pinnefall:
1. Jostein Mehl - 1094
2. Atle Andersland - 1048
3. Janis Goncenko - 1034
4. Ivo Haranovics - 1005
Artikkelen held fram under annonsen.
5. Bjørn Inge Leite - 951
6. Arild Frøyseth - 942
