Klubbmeisterskap i pitch & putt
Sist onsdag arrangerte Tysnes Golfklubb klubbmeisterskap i pitch & putt 2024. Ifølgje klubben var det fine speleforhold og 13 golfarar som stilte til start.
Det var mange gode scorar i meisterskapen, og fleire og fleire blanda seg etter kvart inn i tetstriden og kampen om titlane.
Artikkelen held fram under annonsen.
– Etter ein svært jamn kamp i toppen vart Jens Flornes årets klubbmeister brutto med 55 slag, og Fredrik Winther årets klubbmeister netto med 43 slag, opplyser klubben.
Torsdag denne veka er det tid for ein ny runde i «Tirsdagsfeiden» (nummer tolv i rekkja). Då er det parturnering med 6 hol golf, 6 hol pitch & putt og 6 hol putting som står på agendaen. På grunn av regn vart turneringa flytta frå tysdag til torsdag.
