Kyr på sommarferie
«Overraskande med kyr i Tysnesfjellet i dag. Det var 15 vestlandskyr ved Ljosavatnet på veg til sommarbeite på Gjerstadstølen. Kjempebra», skreiv Torbjørn Onarheim til Bladet Tysnes laurdag, med dette biletet vedlagt.
Dei flotte kyrne tilhøyrer Garden på Dalland. Dette er andre gongen sidan Anders og Irene starta med storfe at dei tek flokken med til fjells. Her skal dei firbeinte rett og slett ha sommarferie, i vakre omgivnader.
Artikkelen held fram under annonsen.
«Så utruleg viktig for utmarka, kulturlandskap og ikkje minst godt for dyra», skriv Garden på Dalland på Instagram-kontoen sin.
