Miljømidlar også til Solheimsdalen

I førre veke skreiv «Tysnes» om SIM sitt miljøfond. I år deler SIM ut kring 1,9 millionar kroner til ulike føremål i Sunnhordland.

I ei pressemelding frå SIM var dei ulike prosjekta lista opp. På Tysnes får Båtlaget Njord/Tysnes 100.000 kroner til ferdigstilling av grillområde, medan Blå skule får 35.000 kroner til strandrydding.

Diverre gløymde «Tysnes» å skriva at også Solheimsdalen Grendalag får midlar frå fondet. Dei får 50.000 kroner til sanitæranlegg i eksisterande uthus ved skulemuséet. Dermed går totalt sett 185.000 kroner frå fondet til ulike prosjekt på Tysnes.