Møteveke med Marit Stokken Berland
Marit Stokken Berland er ein kjent person i kristen-Norge. Saman med Irene Krokeide Alnes har ho farta både innanlands og utanlands som song-evangelist, og dei to har betydd mykje for mange menneske gjennom åra. Duoen har også vore på Tysnes fleire gonger.
– Eg trur det er mange som hugsar desse møta, seier Harald Heie i Indremisjonen.
Artikkelen held fram under annonsen.
Denne veka kjem halve duoen – Marit – tilbake til Tysnes bedehus for å vera med på nye møte. Her skal ho både tala og syngja, kveld etter kveld.
– Me har stor tru for at Gud kan bruka Marit til noko positivt og verdifullt for folket på Tysnes denne gongen. Me ser derfor fram til møta med forventning, seier Heie.
Det er Indremisjonen som er arrangør av møteveka.
