No kan du bestilla buss-billett på SMS

Pandemien gjer at bussjåførane framleis ikkje tek imot kontant betaling, noko som er ei utfordring for somme. No opplyser Skyss i ei pressemelding at dei tilbyr dei reisande å kjøpa enkeltbillett via tekstmelding.

– Me håpar SMS-billett vil gjera det lettare å betala for reisande som ikkje har smarttelefon eller av andre grunnar ikkje brukar app, men som kan senda tekstmelding. Me ser for oss at særleg ein del eldre kan bruka dette og få ein litt enklare reisekvardag, seier Svein Book Galsgård, leiar for avdeling kundeopplevingar i Skyss.

Meir om den nye ordninga kan du lesa her.