Sommarmøte på Jensvoll bedehus

Frå onsdag til søndag denne veka er det sommarmøte på Jensvoll bedehus. Det har blitt tradisjon at det er slike møte på Tysnes som avslutning på sommaren og starten på hausten.

– Denne gongen er det Øivind Solheim som kjem og blir med som talar. Han har reist i mange år for Misjonssambandet, og vore fleire turar på Tysnes. Hans gode forkynning er det mange som har sett stor pris på, seier Dagfinn Brandsæter i Misjonssambandet.

Artikkelen held fram under annonsen.

Dei frammøtte får også med seg song og musikk av syskena Mirjam og Joel Dyrhovden.

– Det er ein fryd å høyra dei spela og synga. Dei trakterer fleire instrument som piano, gitar, munnspel og fele, fortel Brandsæter.

I tillegg til sine musikalske evner, er syskena også kjent for sin sportslege aktivitet. Joel har blant anna vunne NM i motbakkeløp, og både Joel og Mirjam gjekk Norge på langs i 2018.

– Dette brukte dei fire månader på. Lista over deira sportslege aktivitet kunne vore svært lang. Men denne gongen skal me få gle oss over god song og musikk, sluttar han.