Til Tysnes for å lesa dikt

Laurdag kjem Bente Bratlund til Nisjekroken for å lesa små kvardagsdikt om livet.

– Eg gler meg til å stå ute i det fri med bøkene mine saman med Bente Haugland, som har bileta sine med. Kanskje møter eg kjende, eller får nye kjende? skriv ho.

Artikkelen held fram under annonsen.

Bente Bratlund debuterte med den fyrste diktsamlinga i 1977. Ho har skrive over 70 bøker i ulike sjangrar, både diktsamlingar, barnebøker, ungdomsbøker og romanar. Ho er mykje rundt og les dikt og kåserer om augneblikka i livet.

– Tysnes har ein plass i hjarta mitt, skriv ho.

Som barn hadde ho ei brevveninne på Malkenes. Då var det eit eventyr å ta båten over til Tysnes og veninna, der ho blei godt motteken.