Vil påby vest i alle fritidsbåtar

Tryg Forsikring fryktar at det vil bli ekstra mange alvorlege ulukker til sjøs denne sommaren, som følgje av reiseforbod til utlandet og mange ferske båtførarar. No tek selskapet til orde for at det bør bli påbode å bruka vest i alle fritidsbåtar, og ikkje berre i dei som er under åtte meter, slik regelverket er i dag.

– Du druknar like godt frå ein stor båt som frå ein liten, seier kommunikasjonssjef Ole Irgens i Tryg Forsikring.

Seks av ti omkomne frå fritidsbåt i fjor brukte ikkje redningsvest.