Voss herad er «Årets nynorskkommune»

Kvart år sidan 2009 har Kulturdepartementet og Språkrådet delt ut prisen «Årets nynorskkommune», og i år var 11 kommunar nominerte. I finalen tevla Voss herad mot Sunnfjord kommune, Kvinnherad kommune og Hareid kommune, og det var altså fyrstnemnde som trekte det lengste strået hos juryen.

Prisen vart delt ut på Nasjonalbiblioteket i Oslo på fredag, av kultur- og likestillingsminister Abid Q. Raja.

– Eg er glad for å dela ut prisen for årets nynorskkommune til Voss herad. Under koronapandemien har heradet vore trygg og klar i kommunikasjonen til innbyggjarane. Voss herad tar språk på alvor, og det dei får til, er både inspirerande og imponerande, sa han under prisutdelinga.

Voss herad får 100.000 kroner for utmerkinga.