186 tilsette kan bli tekne ut i flystreik
Det kan bli streik ved seks norske flyplassar frå 13. august, dersom Handel og Kontor (HK) og NHO Luftfart ikkje blir samde i meklinga.
Publisert
HK har varsla at 186 medlemmer blir tekne ut dersom det blir streik. Uttaket omfattar verksemder ved flyplassane i Tromsø, Oslo, Florø, Ørsta, Mo i Rana og Sandefjord.
Organisasjonen peikar på at bakgrunnen for konflikten er usemje om løn, tillegg for arbeid på ugunstige tidspunkt, verdsetjing av kompetanse og lønsskilnader mellom tilsette.
Annonse
– Det var altfor stor avstand då me møttest til forhandlingar, og det er fleire krav som må forhandlast og landes. Me går inn i meklinga med mål om å sikra eit godt resultat for våre medlemmar, seier forhandlingsleiar Christopher Beckham.
Dei streikeuttekne arbeider mellom anna med innsjekk, boarding, bagasjehandtering, kundeservice og administrasjon. Ein streik kan difor få konsekvensar for passasjerane ved dei aktuelle flyplassane.
Meklinga startar tysdag 11. august kl. 10.00 og går over to dagar.
Annonse
