Avisa blir ny

Bladet Tysnes går over til eit nytt produksjons- og abonnementssystem i veke to. I samband med overgangen vil alle saker liggja opne eit par dagar, men torsdag 9. januar må alle logga seg inn på nytt for å lesa sakene på nettsida vår.

Første gong ein loggar på blir ein beden om å oppretta eit nytt passord. Dette er fordi heile kunderegisteret vårt er flytta over på eit nytt system, og då blir naturleg nok ikkje passord med i migreringa.

Du blir rettleia gjennom heile prosessen, men abonnentar som treng hjelp eller møter på problem undervegs er sjølvsagt velkomne til å ta kontakt med oss for å få assistanse.

Også papiravisa får eit løft same veka. Avisa som kjem ut 9. januar vil ha ein utsjånad du som lesar forhåpentlegvis vil kjenna igjen, men med nokre mindre endringar.

For dei av lesarane våre som i dag nyttar seg av appen vår, vil overgangen til det nye systemet også føra til at ein må lasta ned appen på nytt. Det gjeld både for iOS- og Android-brukarar. Appen blir tilgjengeleg for nedlasting i App Store og Play Store 7. januar.