Avlyser avgangar laurdag kveld og søndag morgon
«Mannskapsmangel» stoppar fleire Våge-Halhjem-avgangar.
Laurdag måtte Fjord1 innstilla den fyrste morgon-rundturen mellom Våge og Halhjem på grunn av «pålagt hviletid for mannskap», i følgje ferjeselskapet sjølv.
Laurdag føremiddag melder Fjord1 at det blir avlyste avgangar også laurdag kveld og søndag morgon.
Artikkelen held fram under annonsen.
«Grunna mannskapsmangel blir siste rundtur i kveld kansellert og første rundtur i morgen søndag», skriv dei i ei driftsmelding.
Det betyr at det er 20.30-avgangen frå Våge og 21.15-avgangen frå Halhjem laurdag kveld som blir råka, samt 07.00-avgangen frå Våge og 07.45-avgangen frå Halhjem søndag morgon.
Dette er fjerde gongen i år, og tredje gong denne veka, at Våge-Halhjem-sambandet blir innstillt på grunn av mannskapsutfordringar.
Det har blitt innført ny skiftordning på sambandet, etter at Sjøfartsdirektoratet har skjerpa inn tidlegare gjeve dispensasjonar knytt til kviletidsreglane.