FULLT: Mange følgde med då ferjemannskapet på imponerande vis stua bilar på dekk. Foto: Randi Kleppe

Bil-tetris på ferja

Ferjemannskapet på Våge-Halhjem måtte sjå seg slått av talet bilar, men gjorde alt dei kunne for å få med seg flest mogleg.

Søndag var det mange bilar som skulle reisa med ferja frå Våge i to-tida. Ikkje alle kom med, men ferjemannskapet gjorde så godt dei kunne - dei tok seg til og med tid til å dirigera ein siste bil inn på tvers av ferjedekket, heilt inntil lemmen. Mange skodelystne stod og følgde med på det som kunne minna om god, gamaldags tetris, berre at det her vart stabla bilar i staden for digitale klossar.

Om lag sju bilar vart ståande att på ferjekaien då ferja gjekk frå kai.

TRONGT OM PLASSEN: Den heldige, siste bilen som fekk plass på ferja måtte stå i ein litt annan retning enn det som er normalt. Foto: «Tysnes»-tipsar
KOM IKKJE MED: Trass i god innsats frå ferjemannskapet, var det ikkje alle bilane som fekk plass på avgangen frå Våge klokka 14.30 på søndag. Foto: Randi Kleppe