Det går mot sommartid

Natt til søndag, klokka 02.00, skal klokka stillast ein time fram. Då går me frå normaltid til sommartid, og får ljosare kveldar. Sommartida varar til 31. oktober.

Europakommisjonen sitt forslag om å avskaffa sommartid fullstendig har fått ja i ei rekkje instansar, men er førebels ikkje vedtatt. Så inntil vidare stiller me klokka ein time fram om våren, og ein time tilbake om hausten.

Ein god hugseregel for dei som alltid vert litt usikre på om klokka skal stillast fram eller tilbake, er at me alltid stiller den mot nærmaste sommar.