Éin av fire meiner dei kan for lite om reiseforsikringa
Mange nordmenn har dårleg oversikt over kva reiseforsikringa faktisk dekkjer, ifølgje Fremtind Forsikring.
Publisert
Ei landsrepresentativ undersøking, utført av Respons Analyse på oppdrag frå Fremtind, viser at éin av fire meiner dei burde hatt betre kontroll på forsikringa før dei reiser. Det melder forsikringsselskapet i ei ny pressemelding.
Ifølgje Therese Hofstad-Nielsen, skadeførebyggjar i Fremtind, kjem det kvart år inn krav om erstatning for hendingar som ikkje er omfatta av reiseforsikringa.
Annonse
Døme er eigedelar som er gløymde att på hotellrom, mobiltelefonar som har komme bort etter at eigaren har mista kontrollen over dei, eller feriar som blir øydelagde av dårleg vêr.
Ho har fire klare råd for kva ein bør sjekka før avreise for å unngå ekstra utgifter utanom forsikringa.
Sjekk kva reiseforsikringa faktisk dekkjer, og kva unntak som gjeld.
Kontroller om du framleis er omfatta av foreldra dine si forsikring, eller treng di eiga.
Ta med europeisk helsetrygdkort dersom du reiser i EØS.
Undersøk om planlagde aktivitetar, som surfing eller fallskjermhopping, krev eiga dekning.
Annonse
