Ved utgangen av 2. kvartal var 36.982 innbyggjarar i Vestland registrerte med heilt eller delvis uføretrygd. Det er 8,9 prosent av befolkninga i yrkesaktiv alder, om lag det same som i fjor, melder Nav Vestland i ei pressemelding.
– Det positive i Vestland er at fylket er blant dei som har lågast del uføre. Vestland har ikkje same utvikling som på landsbasis, der det er ein liten auke i delen uføretrygda. Samstundes ser me at talet på unge uføremottakarar i alderen 18–29 år har gått noko ned, seier fylkesdirektør Bjarte Hysing-Olsen i Nav Vestland.
Annonse
Med 8,9 prosent uføre ligg Vestland under landssnittet på 10,6 prosent, men det er stor skilnad mellom kommunane. Høyanger ligg på 14 prosent, medan Sogndal og Aurland har lågast del uføre med under sju prosent.
I Tysnes var det registrert 191 personar med uføretrygd i juni i år. Det er fire færre enn på same tid i fjor, og på same nivå som i 2024. Delen uføre i Tysnes utgjer 11,4 prosent, ifølgje tal frå Nav.
Annonse
