Følg årets siste kommunestyremøte her
Budsjett og basseng er blant sakene som skal drøftast når politikarane samlast i kommunestyresalen for siste gong i 2025.
Torsdag ettermiddag samlast politikarane i kommunestyresalen for siste gong i 2025.
Som vanleg inneheld desembermøtet den siste handsaminga av budsjettet for komande år. Vidare skal politikarane mellom anna også drøfta framtida til Onarheim skule, nytt basseng, den ferske sjukefråværsrapporten, søndagsopne butikkar og klage på Mandelhuset sin nye reguleringsplan.
Annonse
I tillegg vert kulturprisen delt ut.
Møtestart er sett til klokka 16.00, og møtet kan følgast i videovindauget øvst i saka. Kommunestyremøta pleier å starte med mat, så sjølve streamen startar opp når politikarane er klare mellom klokka 16.00 og 16.30.
