KORONAEN ØYDELEGG: Førjulsmessa i Tysnes bedehus føyer seg no inn i rekkja av avlyste eller utsette arrangement. (Arkivfoto)

Førjulsmessa er utsett

Komande laurdag skulle den tradisjonelle Førjulsmessa i Tysnes bedehus gått av stabelen. No er også dette arrangementet utsett, som følgje av det lokale koronautbrotet.

– Uansett kva råd kommunen kjem med no, vurderer me det som altfor usikkert å arrangera ei messe alt denne veka, melde Harald Heie i Indremisjonen til «Tysnes» måndag.

Ny dato for messa vert 15. januar. Også trekninga av gevinstar er utsett til dess.

– Det vil framleis vera høve til å kjøpa lodd. Og det er bekrefta at Marit Ådnanes og Heidi Rolfsnes som var sett opp i programmet framleis vert med, fortel Heie.

PS: Også bibelkvelden i Jensvoll bedehus neste onsdag kan bli avlyst på kort varsel.