Forseinkingar på Halhjem–Våge
Publisert
Sist oppdatert
Fjord1 melder i eit varsel onsdag morgon at reisande på ferjesambandet Halhjem–Våge må rekna med forseinkingar i sambandet. Årsaka er skodda som ligg tett over Tysnes og fjorden.
Fjord1 seier ikkje noko om kor lenge det må bli pårekna forseinkingar på sambandet, men ifølgje vakthavande meteorolog ved Meteorologisk institutt vil skodda truleg vera vekke i alle fall innan lunsjtider.
Annonse
– Skodda er jo litt uføreseieleg, men innan du er ferdig med lunsj så vil ho nok vera vekke. Så snart sola får tak vil nok skodda forsvinna ganske fort, seier meteorologen.
Ifølgje yr.no er det venta nok ein varm sommardag på Tysnes, med temperaturar opp mot 25 grader.
