Fotgjengar påkøyrd i Uggdal
Naudetatane rykte ut til trafikkulukke.
Politiet melder om ei trafikkulukke langs Hollekjevegen i Uggdal fredag ettermiddag. Ein fotgjengar skal ha blitt påkøyrd av ein personbil.
«Nødetatane er på vei til stedet etter melding om en trafikkulykke. En fotgjenger er påkjørt av en personbil. Fotgjengeren er våken, uvisst skadeomfang utover det», skriv politiet i politiloggen like før klokka 15.30.
Artikkelen held fram under annonsen.
«Tysnes» har fått tips om at ulukka skapte kø i området.
I ei oppdatert melding skriv politiet at «brannvesenet er fremme på stedet. De er i kontakt med partene. Fotgjenger er bevisst».
I ei ny melding klokka 15.38 melder politiet at «lege er på staden og ser til fotgjengaren».
Klokka 16.15 blir det meld at politiet er på staden.
