GJEV HÅP: Svært mange engasjerer seg for at Alexandra Kongsvik skal få nok pengar til kreftbehandling i utlandet. Her er ho saman med sonen Ulrik. (Privat foto)

Framleis stor mobilisering for Alexandra

Camilla Korsnes camilla@tysnesbladet.no

Publisert: 12.05.2021 13:43 Sist oppdatert: 16:03

Det nærmar seg i skrivande stund 400.000 kroner i Spleis-aksjonen der det blir samla inn pengar til kreftramma Alexandra Kongsvik. Meir enn 1.200 personar har gitt eit bidrag så langt.

På innsamlingssida kan me lesa at Alexandra og familien er svært takksame for pengane som er komne inn. Etter det «Tysnes» kjenner til, har ein no samla inn om lag ti prosent av summen som trengst for at ho skal få behandling for brystkreften i USA.

I tillegg til Spleis-aksjonen er det også oppretta eit arrangement på Facebook der folk kan auksjonera vekk ting eller tenester. Her er det bodrundar i kommentarfelta, og dei som vinn betalar direkte til Alexandra via Vipps eller kontonummer.

Båt, lån av stillas, strikkeprodukt, kjole, LP-plater og golfsett er noko av det folk donerer vekk for å hjelpa Alexandra i kampen mot kreften.

NB: Ein må bli invitert for å få tilgang til gruppa.