God orden ved skjenkestadene
Publisert
Det blei ikkje meldt om brot etter den siste kontrollrunden ved skjenkestadene på Tysnes i Tysnesfest-helga. Kontrollørane var innom Tysnesfest, Mandelhuset, Myrdal Gård og Haaheim Gaard, og rapportane viser gjennomgåande god orden og forsvarleg drift. Kontrollørane tok også turen ut til Laukhammar Fritid, men oppgir i rapporten at det var stengt då dei kom fram.
Ved Tysnesfest, der rapporten oppgir om lag 3.500 gjester laurdag kveld, skildra kontrollørane arrangementet som godt organisert, med god orden både ute og inne. Også Mandelhuset og Haaheim Gaard fekk merknad om god orden, medan tilhøva ved Myrdal Gård blei vurderte som bra, i tillegg til at kontrollørane kommenterte i rapporten at dei hadde ein hyggjeleg samtale med eigarane.
Annonse
Det blei ikkje registrert brot ved nokon av desse stadene.
