Gult farevarsel for mykje regn
Publisert
Sist oppdatert
Meteorologane har sendt ut gult farevarsel for mykje regn i delar av Vestland. Farevarselet gjeld frå onsdag 29. juli klokka 20.00 til torsdag 30. juli klokka 08.00.
Lokalt kan det komma mellom 50 og 70 millimeter nedbør på tolv timar, med dei største mengdene natt til torsdag.
Annonse
Regnet kan føra til overvatn i tettbygde område, vatn i vegbanen og fare for vassplaning. Vegar kan bli stengde, og enkelte reiser kan ta lengre tid. Det kan òg vera særleg mykje vatn nær bekkar og elvar.
Folk i dei råka områda blir oppmoda om å reinsa stikkrenner og avløp, tilpassa farten etter forholda og følgja med på veg-, flaum- og skredvarsel.
