INNSTILT: Våge-Halhjem-ferja vart mellombels innstilt måndag føremiddag, men er no tilbake i normal drift. (Arkivfoto: Maryna Shvartsman)

Tilbake i normal drift - kan bli mindre forseinkingar

«Kommandøren» sleit med tekniske problem, men er no tilbake i normal drift, melder Fjord1.

Klokka 10.50 skulle MF «Kommandøren» ha gått frå Halhjem i retning Våge, men ferja vart mellombels innstilt, melde Fjord1 måndag føremiddag.

«Grunna tekniske problem vert ruta midlertidig innstilt», skriv dei i ei melding klokka 11.00.

Artikkelen held fram under annonsen.

Klokka 11.23 kom ein ny beskjed frå ferjeselskapet. Dei melder at det er normal drift i sambandet, men at mindre forseinkingar må påreknast.

2. pinsedag er ein dag som er kjent for mykje ferjetrafikk frå Tysnes og lange køar i Våge. Etter ruta skulle den neste avgangen ha vore 11.30 frå Våge. Ifølgje skipstracking-nettstaden marinetraffic.com, forlet «Kommandøren» Halhjem kring klokka 11.18, og er no på veg til Våge.