Held ope hus i Kyrkjeståvo
Publisert
Tysnes kommune, ved kriseteamet, held ope hus i Kyrkjeståvo i Våge etter dødsulykka.
På torsdag kveld, frå klokka 17 til 19, vil det vera opne dører i Kyrkjeståvo (bedehuset) i Våge. Det vil bli enkel servering, og folk kan komma og gå som det passar. Samlinga er open for alle.
Annonse
– Ope hus er meint som ein trygg møteplass for alle som kjenner behov for fellesskap etter ulykka - ei samling der me kan vera saman og finna trøyst, støtte og nærvær i kvarandre, skriv kommunen på heimesidene sine.
Representantar frå politiet vil vera til stades gjennom heile samlinga. Representantar frå ambulanse og brann og redning vil vera til stades den første timen og bidra med støtte og informasjon, opplyser kommunen.
