Hjartestartar tilgjengeleg heile døgnet hos Byggtorget
Publisert
No har det komme ein ny hjartestartar på butikken til Andersland Bygg i Uggdal. Ove Christensen ved Andersland Bygg fortel at dei alltid har hatt hjartestartar i butikken. No har dei flytta han ut.
– Han har tidlegare berre vore tilgjengeleg i opningstidene til butikken. Det handlar rett og slett om tilgjengelegheit, seier han.
Annonse
Christensen seier tilgjengelegheit har vore eit fokus for Andersland Bygg.
– Når me først har han, kan han like gjerne vera tilgjengeleg.
Det er mogleg å finna oversikt over hjartestartarar i hjartestartarregisteret til 113. I Uggdal er det mellom anna hjartestartar ved klubbhuset til Njardar, på Tinghuset og ved Tysnes industri. Det er elles registrert over tjue hjartestartarar totalt i bygdene på Tysnes.
