Ingen nye smittetilfelle

Fredag melde «Tysnes» at ein tilsett hos Mestringshusene, busett i Bjørnafjorden kommune, hadde fått påvist covid-19.

Tysdag fortel ordførar Kåre Martin Kleppe at det vart gjennomført 47 testar i helga, og at ingen av desse er positive.

– Det er ti personar som kvalifiserer som nærkontaktar, så me har testa ein del førebyggjande, seier han.

Han opplyser samstundes at det er to stykk som er kalla inn til ny test. Årsaka til det er at dei har kjent på symptom.

– Det blir jobba med kva som blir vidare prosess for testing nummer to dei neste dagane, då enkelte kanskje må testa seg ein gong til, sluttar han.