Dei siste avgangane på 17. mai er kansellerte

Fjord1 melder at dei siste avgangane på sambandet Våge-Halhjem går ut på grunn av driftsproblem. Melding om kanselleringane kom inn klokka 19.22 på nasjonaldagen.

Altså er avgangen frå Våge klokka 22.05 og avgangen frå Halhjem klokka 22.50 kansellerte. Dette kan skapa trøbbel for dei som har tenkt seg til eller frå Tysnes i kveldinga.

Sambandet Jektevik-Nordhuglo-Hodnanes har heller ikkje gått som normalt på nasjonaldagen. På grunn av transport av utrykningskøyretøy har det vore forseinkingar i ruta.