Kansellerer nye morgonavgangar
Fjord1 melder om nye innstillingar laurdag morgon. Årsak er pålagt kviletid.
Tysdag kveld og onsdag morgon var Våge-Halhjem-sambandet innstilt på grunn av «mannskapsmangel». Fredag ettermiddag melder Fjord1 at ferja blir innstilt også laurdag morgon.
05.30-avgangen frå Våge og 06.15-avgangen frå Halhjem blir kansellerte, skriv Fjord1 i ei driftsmelding.
Artikkelen held fram under annonsen.
Årsaka til innstillinga er «pålagt hviletid for mannskap».
Det betyr at fyrste avgang laurdag morgon blir 07.00 frå Våge.