Normal drift frå klokka 10.00
Publisert
Sist oppdatert
Oppdatert: Klokka 09.12 melder Fjord 1 at det blir normal drift i sambandet frå Våge klokka 10.00.
Ferjesambandet Våge–Halhjem er innstilt inntil vidare frå torsdag morgon på grunn av driftsproblem. Det melder Fjord1 på vegner av Skyss.
Den første meldinga om innstillinga, som kom rundt halv eitt på natta, sa at dei to første avgangane på sambandet ville bli innstilt på grunn av driftsproblem, før det ville bli normal drift etterpå.
Annonse
Om lag to timar seinare sende Fjord1 ut ei ny melding, der det stod at sambandet ville bli innstilt inntil vidare – framleis på grunn av driftsproblem.
Regionleiar i Fjord1, Tor Kristoffersen, skriv i ein e-post til avisa at innstillinga kjem av eit teknisk problem, der ferja har hatt ein blackout og dei ikkje har fått resett eit kjølesystem.
