Nye kanselleringar på Våge-Halhjem

Fjord1 melder at den siste avgangen frå Våge i kveld, palmelaurdag, klokka 22.10 er kansellert, same med turen tilbake frå Halhjem klokka 22.55.

Dei to fyrste avgangane i morgon, palmesøndag, blir også kansellerte, altså 07.00 frå Våge og 07.45 frå Halhjem.

Grunnen for kanselleringane er manglande mannskap, informerer Fjord1.

Mangel på mannskap har vore grunngjevinga for fleire av kanselleringane på dette sambandet dei siste månadene.

Dette skjer i samanheng med at 8 av 32 tilsette på sambandet Våge-Halhjem og sambandet Hufthamar-Krokeide har sagt opp sidan nyttår. Dette melde NRK Vestland 11. mars.