Nye målereglar for hummar frå årets sesong
Publisert
Frå årets hummarsesong blir det innført ein ny metode for å måla hummar. Det melder Fiskeridirektoratet. I staden for å måla heile hummaren, skal fiskarane måla lengda på ryggskjoldet.
Ryggskjoldlengda skal målast frå bakre del av augehola til bakkanten av ryggskjoldet ved midtlinja. Ifølgje Fiskeridirektoratet gir dette eit meir presist og stabilt mål enn totallengda, mellom anna fordi målepunkta er faste.
Annonse
Samtidig blir minstemålet endra. Minste tillatne ryggskjoldlengd blir 90 millimeter, noko som svarar til om lag 253 millimeter totallengd. Dagens minstemål er 250 millimeter.
Det blir også innført maksimalmål på 115 millimeter ryggskjoldlengd frå svenskegrensa til og med Agder. Dette maksimalmålet gjeld dermed ikkje hummarfisket på Tysnes.
