KORONA-LETTINGAR: Etter ei stille tid i Tysnes-kyrkjene vert det no skipa til gudstenester igjen. Foto: Arne Leite

Nye smittevernreglar i kyrkja

– Endeleg får me samlast til gudsteneste igjen, skriv sokneprest Marit I. Espedalen i ein e-post til «Tysnes» onsdag.

Regjeringa si oppmjuking av dei strengaste koronatiltaka gjer at det på nytt blir høve til å samlast i Tysnes-kyrkjene. Kyrkjekontoret opplyser at det frå og med fredag er lov med kring 90 personar i kyrkjene i Uggdal og Onarheim. I Tysnes kyrkje er det lov med kring 70 personar, og i Reksteren kyrkje kring 40 personar.

Allereie fyrstkomande søndag er det klart for ny gudsteneste.

– Me gler oss til å feira gudsteneste i Onarheim kyrkje søndag, skriv presten.