Nær 9.400 hjortevilt er påkøyrde på norske vegar så langt i år. Oktober er historisk månaden med flest slike ulukker, ifølgje tal frå Hjorteviltregisteret. Det melder Tryg Forsikring.
Per 2. oktober var det registrert ni hjortepåkøyrsler i Tysnes, viser Hjorteviltregisteret.
Annonse
Rådyr utgjer om lag tre av fire registrerte viltpåkøyrsler nasjonalt. Meir enn ein tredel av alle påkøyrslene skjer i oktober, november og desember.
Innlandet og Trøndelag har flest registrerte viltpåkøyrsler hittil i år, med høvesvis 2.027 og 1.423 tilfelle. Til saman står dei to fylka for 38 prosent av påkøyrslene.
Tryg Forsikring oppmodar bilistar til å vera ekstra merksame og redusera farten i område med mykje vilt. Bilistar som køyrer på vilt, har plikt til å melda frå om hendinga.
Ifølgje ei pressemelding frå Frende Forsikring blei 320 hjortedyr påkøyrde av bil i Vestland i jaktåret 2025–2026 (1. april 2025–31. mars 2026). Det viser tal frå Statistisk sentralbyrå. Frende Forsikring rår bilistar til å følgja ekstra godt med langs vegkanten, særleg der vegen går gjennom skog og tett vegetasjon.
