Oppstart i ruta frå 22.45
Publisert
Sist oppdatert
Oppdatering: Fjord1 har meldt at det vil bli oppstart i sambandet Hodnanes-Jektavik-Nordhuglo klokka 22.45 torsdag kveld. Då kjem det reservefartøy på plass, som skal gå fem avgangar før ferja legg seg til ro for kvelden: frå Jektavik 22.45, Nordhuglo 23.00, Hodnanes 23.10, Jektavik 23.30 og Nordhuglo 23.45. Det blir normal rute frå klokka 05.45 fredag.
Det var klokka 08.00 torsdag morgon at Fjord1 varsla at sambandet Hodnanes-Nordhuglo-Jektavik blei innstilt inntil vidare. Dei oppgav driftsproblem som årsak.
Annonse
Ferja blei liggjande til kai på Hodnanes medan undersøkingar pågjekk.
Regionleiar i Fjord1, Tor Kristoffersen, fortalde kort tid etter klokka 08 at det var utfordringar med ein thruster om bord. Klokka 13.46 opplyste han i ein e-post til avisa at dei skulle skifta ein komponent om bord på ferja, og sa at dei håpte å vera klare om eit par timar – altså rundt klokka fire. Det skjedde ikkje.
Blei du råka av den lange ferjestoppen? Del gjerne historia di med oss.
