Hytte på Fortøya brann ned - to frakta til legevakt
Klokka 16.10 måndag kom det twittermelding om brann i ei hytte på Fortøya, utanfor Økland.
Øya er ikkje landfast, og det blei sendt ut brann- og ambulansepatrulje som måtte bruka båtar for å koma seg over.
Artikkelen held fram under annonsen.
Hytta var overtend innan naudetatane nådde fram, og klokka 17.01 melde Vest politidistrikt på Twitter at den var brunnen ned.
– Dei held framleis på å jobba på staden, og driv med ettersløkking, opplyste Terje Magnussen, operasjonsleiar ved operasjonssentralen.
To personar tilknytt hytta har vore i nærleiken eller inne i sjølve hytta, men er trygge. Ambulansebåt blei sendt ut frå Austevoll, men den blei raskt kansellert.
– Ein mann og ei dame blir frakta til legevakta. Dei skal begge ha fått røyk i seg, fortalde Magnussen.
