BRANNBIL: Tysnes brann og redning rykte torsdag føremiddag ut til pipebrann på ei adresse langs Humlevikvegen.

Rykte ut til pipebrann

Like før klokka 9:30 melde brannvesenet på Twitter om ein pipebrann i Humlevikvegen.

Tysnes brann og redning rykte raskt ut, og fekk kontroll på situasjonen.

Artikkelen held fram under annonsen.

Brannsjef Torfinn Kongsvik opplyste på staden at huseigar og forbipasserande fekk sløkt brannen, og at brannvesenet var i gang med å feia skorsteinen.

– Dei har fått fyringsforbod fram til i morgon, og så kjem me og tar ein ny sjekk, fortel Kongsvik.

FEIING: Då brannvesenet kom fram til huset, var brannen allereie sløkt, og det blei sett i gang med feiing.