Sju av ti foreldre blir distraherte bak rattet
Publisert
72 prosent av foreldre opplyser at dei har blitt uoppmerksame i trafikken på grunn av mobiltelefon eller interaktive skjermar i bilen. Det går fram av ei undersøking Ipsos har gjennomført for forsikringsselskapet Gjensidige.
Til samanlikning svarar 60 prosent av alle bilistar at dei har opplevd det same. Undersøkinga blant foreldre omfattar 1.029 bilistar i barnefamiliar.
Annonse
Gjensidige meiner både bruk av handhalden mobil og stadig meir avanserte skjermløysingar i bilane bidreg til distraksjon.
– Mange undervurderer kor lite som skal til. Eit par sekund med fokus på ein skjerm kan vera forskjellen på ein trygg køyretur og ei alvorleg hending, seier kommunikasjonssjef Bjarne Aani Rysstad i Gjensidige.
Forsikringsselskapet oppmodar bilførarar til å leggja bort mobilen og gjera nødvendige innstillingar på skjermane før dei køyrer.
