DYRE REGELBROT: Frende Forsikring åtvarar om at båtførarar kan få ei dyr overrasking i sommar etter at bøtene på sjøen blei skjerpa frå nyttår. (Illustrasjonsfoto frå arkivet: Camilla Korsnes)

Skjerpa bøter på sjøen – få har fått det med seg

Camilla Korsnes
Publisert

Bøtene på sjøen blei kraftig oppjusterte frå 1. januar 2026, men 9 av 10 båtførarar har ikkje oversikt over dei nye satsane. Det viser ei undersøking Norstat har gjort for Frende Forsikring. 

I same undersøking svarar halvparten av respondentane at dei er usikre på kva fartsgrenser som gjeld der dei køyrer. Frende peikar på at reglane kan variera mellom kommunar, og oppmodar båtførarar om å setja seg inn i lokale fartsgrenser før dei legg ut på sjøen.

Forsikringsselskapet minner også om femknopsregelen innan 50 meter frå badeplassar og understrekar at det alltid er båtføraren sitt ansvar å kjenna til reglane.

Dette er dei nye bøtesatsane i 2026:

  • For ung eller manglar pålagd båtførarprøve: Auka frå 500 og 1.500 til 5.000 kroner. Auka til 7.500 kroner for båt som krev høghastigheitsbevis.

  • Køyring over fartsgrensa: Auka frå 1.500 til 5.000 kroner.

  • Manglande bruk av vest per person: Auka frå 500 til 900 kroner.

  • Manglande eller mangelfulle lanterner: Auka frå 2.000 og 1.500 til 5.000 og 4.000 kroner.

  • Fellesbot: Maksgrensa har auka frå 5.000 til 15.000 kroner.

  • Subsidiær fengselsstraff: Kvar 1.000 kroner i forenkla førelegg blir omrekna til éin dag i fengsel. 

notisar nyhende notis
Powered by Labrador CMS