Smådyrklinikken har stengt dørene
Frå og med måndag denne veka står Tysnes utan eigen smådyrklinikk.
Publisert
Tysnes Veterinærkontor annonserte førre fredag at smådyrklinikken i dei gamle banklokala i Uggdal skulle leggja ned drifta. Allereie frå måndag denne veka var verksemda stengt.
Dei opplyser på eiga Facebook-side at arbeidet med produksjonsdyr og hest held fram som normalt.
Annonse
– Det er moglegheit for at andre overtar smådyr- og kjæledyrverksemda etter kvart, men det skjer tidlegast ved årsskiftet 2026/2027, informerer dei vidare.
Dei nyttar også høvet til å takka for godt samarbeid i åra som har gått. Verksemda har vore i drift sidan 2018.
Det har ikkje lukkast «Tysnes» å få tak i dagleg leiar for ein kommentar.
