NY SITUASJON PÅ TYSNES: To arbeidsinnvandrarar er smitta.

Oppdatert: Dei to smitta er knytt til oppdrettsbransjen

TYSDAG: Tysnes har fått to nye med påvist covid-19. Dei to er arbeidsinnvandrarar, og knytt til oppdrettsbransjen. Det melder ordførar Kåre Martin Kleppe.

– Me fekk meldinga i dag. Det er snakk om importsmitte. Dei to er arbeidsinnvandrarar som er smitta i utlandet, seier ordføraren.

Dei to har mellombels adresse i Tysnes.

Tidleg tysdag føremiddag kunne ordføraren melda at Tysnes kommune dreiv med smittesporing. Så langt ein då kjende til, var det ikkje nærkontaktar på Tysnes.

Utpå dagen tysdag melder ordføraren at smittesporing og intervju er gjennomført.

– Med den informasjonen me sit med no, er det ikkje fare for at smitten har spreidd seg i lokalsamfunnet på Tysnes. Det ikkje er kjende nærkontaktar på Tysnes. Alle nærkontaktar er andre framandarbeidarar og personar utanfor Tysnes, seier ordføraren.

Ordføraren presiserer at kommunen ikkje har mistanke om vidare smitte i Tysnes enn dei to påviste.

– Dei to personane har følgt reglane. Dei testa seg då dei kom til Norge og har følgt retningslinene og gått i karantene, seier ordføraren.

Den eine av dei to har testa seg for mutert virus. Testen var negativ.

– Me er rimeleg trygge på at me har kontroll og at me klarar å avgrensa smitten til desse to, seier ordføraren.

Dei to personane er i isolasjon på Tysnes.

Artikkelen held fram under annonsen.

Dei som vil lesa meir om karantene, finn meir info her.